پر کوېډ – ۱۹ وبا باندې د نړۍ په ګوټ ګوټ کې خلک اخته کېږي. ځینو هېوادونو غوره چمتووالی ورته نیولی او دا امکانات لري څو له یادې وبا سره د اغېزناکې مبارزې په موخه له خپلو سرچینو خوار ښه ګټه پورته کړي. خو افغانستان له دې اړخه بشپړ چمتووالی نه لري.
زموږ په باور له کوېډ – ۱۹ سره د اغېزناکې مبارزې لپاره دوه شرطونه اړین دي، لومړی یو غوره روغتیایي سیستم او دویم باخبره وګړي.
په افغانستان کې درملو ته لاسرسی او د وسایلو شتون ډېر محدودی دی. پردې سربېره د طبي وسایلو وضعیت، طبي امکانات او د یادې ناروغۍ د خپرېدو په تړاو معلوماتو راټولول هم ډېر ستونزمن دي.

د دې نوښت له مخې موږ غواړو وګړو ته د لومړنیو معلوماتو پر ورکړې سربېره، له حکومت او بشري اقداماتو په دوو برخو کې ملاتړ وکړو:
لومړی غواړو د افغانستان په ګوټ ګوټ کې په لویو روغتونونو کې د طبي وسایلو شتون، مهمو درملو ته د لاسرسي او کیټونو د خوندیتوب له لارې د روغتیایي سیستم ملاتړ وکړو. دا معلومات په پرله پسې ډول اپډېټ کېږي.
دویم، غواړو د خطر هغه زونونه په نښه کړو، چېرته چې د روغتونونو چمتووالی کمزوری دی او د کرونا ناروغۍ پېښې رامنځ ته کېږي.
دا نوښت د افغانستان روڼتیا څار بنسټ او واکس میپ(Voxmapp) ترمنځ د ملګرتوب په ترڅ کې پرمخ وړل کېږي.